श्री. सखाराम आरती
आरती सखाराम साधू, जयाचे पदाम्बुज वंदू || धृ||
मुळची जन्मभूमी तळणी | वसतीस्थान असे लोणी | मुखोद्गत वेदाचा ध्वनी|
सदा ध्यानस्थ रामनामी|| निर्गुण ब्रम्हपदी नटला | सकल समदृष्टी | करवी अन्नपुष्टी
| सर्वदेवतुष्टी| मुखचंद्रमा पूर्ण इंदू ||१||
भाव धरोनी शरण येती | त्याचे करी हेतुपूर्ती | दर्शने सर्व दोष हरती |
कलीमाजी ते जन तरती|| ऐसा कृपानिधी गुरु हो | ऐसा दयानिधी गुरु हो |
योगानंद | नाम आनंद | राहे स्वच्छंद | कृपेचा केवळ असे सिंधू ||२||
जयाचे पदालागी स्मरता | अत्यानंद होई चित्ता | शिवसंनीध जीवन्मुक्ता
| वास तुझाची भगवंता | यात्रा भरवी महाद्वारी | भक्तजन जमवी |
कामना पुरवी | वासना नुरवी | विनवी काशिनाथ – नंदू ||३||
श्री. सखारामअष्टक
लोणीस वस्ती करिसी कृपाळा | प्रेमे सखाराम वर्णी गुणाला ||१||
सदा करी जो मनी चिंतनासी | गजाननाच्या हरि जो आघासी |
कृष्णापरी खेळसी बाळलीला | प्रेमे सखाराम वर्णी गुणाला ||२||
खाणी सुखाची अससी सुभाक्ता | चिता विसंबी न ऐशा विरकता |
नेले अहिल्येस मुक्तीपदाला | प्रेमे सखाराम वर्णी गुणाला ||३||
रात्रंदिनी जो भजे सदगुरुसी | काही नसे न्यून ऐशा नरासी |
शुकापरी जान वैराग्य ज्याला | प्रेमे सखाराम वर्णी गुणाला ||४||
मनी त्वरे जो करी पुर्णतेसी | प्रेमे करी जो नवसा तयासी |
नेई लयाते मद-मत्सराला | प्रेमे सखाराम वर्णी गुणाला ||५||
महान सामर्थ्य तापोबलाचे | सिद्धी वसे पूर्ण मठात ज्याचे|
घेता मिळे दर्शन बा सुखाला | प्रेमे सखाराम वर्णी गुणाला ||६||
हा संत जाणा असे कामधेनु | विघ्नधकारा जणू पूर्ण भानू |
गदा हरि जो स्मरता जयाला | प्रेमे सखाराम वर्णी गुणाला ||७||
राहो मुखी नाम सदा गुरुचे | जे शांत चित्ता करी पूर्ण साचे |
पावे सुखा ज्या घडे दर्शनाला| प्रेमे सखाराम वर्णी गुणाला ||८||
जन सुपठ्न प्रेमे अष्टका या गुरुचे| करित धरुनी भक्ती, दोष जाती जयाचे|
हरती सकल पापे नाम घेता जयाचे| किमपि न मनि हेतू राहती त्या नराचे||९||